Жарияланды 22.10.2020 Топырақ ылғалдылығын анықтау агрометеорологиялық мониторингтегі негізгі бақылаулардың бірі болып табылады.
Топырақтың ылғалдылығы, әдетте, екі массаның немесе көлемнің арасындағы өлшемсіз қатынас ретінде ұсынылады. Қазақстанның мемлекеттік бақылау желісінде топырақтың ылғалдылығы ылғалдың миллиметрінің топырақ көлеміне қатынасымен немесе масса мен көлемнің ылғалдылыққа пайыздық қатынасымен анықталады.
Ұзақ уақыт бойы топырақ ылғалдылығын өлшеу топырақ сынамаларын қолмен алу және оларды кептіру шкафында құрғату арқылы жүргізілді, ылғалдылық құрғақ топырақ массасының алынған сынаманың массасына қатынасы ретінде есептелді. Бұл өте көп уақытты қажет ететін термостатикалық салмақ әдісі еді.
Қазір бақылау желісінде заманауи Delta-T электр құрылғысы қолданылады, оның әрекеті электр өткізгіштікке байланысты және ол өз кезегінде топырақтың ылғалдылығына байланысты кабель арқылы электр импульсінің өту уақытын өлшеуге негізделген.
Көктемде топырақтағы бақылау аймағында тереңдігі 100 см тесік бұрғыланады, оған арнайы каналдық жұқа қабырғалы түтік орнатылады, ол қоршаған топыраққа электромагниттік өрістің енуін барынша арттырады. Бұл түтік вегетация кезеңінде топырақтың ылғалдылығын өлшеуге мүмкіндік береді.
Топырақтағы ылғалды өлшеу үшін profile Probe сенсоры қолданылады. Бұл электронды сенсорлары бар штанга. Аталған әдіс топырақтың ылғал құрамын әртүрлі тереңдікте өлшеуге мүмкіндік береді.
Әр сенсордан шығатын сигнал қарапайым Аналогты тұрақты ток кернеуі болып табылады. Бұл шығыс сигналдары кіріктірілген жалпы калибрлеу жүйесінің көмегімен топырақтың ылғалдылық көрсеткіштеріне оңай ауысады.
Жабдық өте күрделі, бірақ талдаудың өзі өте қарапайым, оны бірнеше минут ішінде-ақ жасауға болады. Құрылғы өлшеу нәтижелерін ұзақ уақыт жадында сақтай алады.