Жарияланды 26.11.2020 рН-өлшегіш / ионометр – бұл сутектік көрсеткішті (РН), ауызсу, табиғи, ағынды сулардағы, топырақ сынамаларының, тамақ өнімдерінің, азық-түлік шикізатының сулы ерітінділеріндегі иондардың молярлық және массалық шоғырлануын потенциометрия әдісімен өлшеуге арналған автоматтандырылған үстел үсті аспабы.
Құрылғы тамақ, химия, мұнай-химия, фармакологиялық, косметикалық салаларда қолданылады. Медицинада иономерлер адам ағзасындағы қышқылдық деңгейін өлшеу ретінде қолданылады, биохимия, микробиология және ауылшаруашылығы саласындағы зертханалық және ғылыми зерттеулерде белсенді қолданылады. Ионометрді ауыз судың сапасын бақылау үшін тұрмыстық жағдайда да қолдануға болады.
рН-өлшегіш / ионометр өлшеу түрлендіргішінен, сенсорлық басқару тақтасы бар сұйық кристалды дисплейден, магниттік араластырғыштан, жылу сенсорынан және электрод ұстағыштан тұрады. Жұмысты басқару жүйелік мәзірдің көмегімен жүзеге асырылады, құрылғының жадында 50-ге дейін талдау әдістері сақталады.