Жарияланды 29.11.2020 «Қазгидромет» РМК Ақтау қаласының тұрғындарына, AirKZ мобильді қосымшасының пайдаланушыларына хабарлайды:
12 шағын аудандағы экологиялық мониторинг постында электр энергиясының кенет өзгеруінен туындаған ақауға байланысты күкірт диоксиді мен күкіртсутек көрсеткіштері қате шығып жатыр. Қазір техникалық және сервистік жұмыстар жүруде. Сондықтан аталған көрсеткіштер бойынша мәліметтер уақытша қолжетімсіз болады. Ақтау қаласында атмосфералық ауа мониторингі 4 постта жүргізіледі. Қазір басқа үш пост бойынша атмосфералық ауа сапасы нормасының жоғарылауы байқалмайды.