2021 жылғы қаңтарда Қазақстан аумағының басым бөлігінде ауа температурасы климаттық нормадан 1-5° төмен болды, республиканың солтүстік-батысында, оңтүстігі мен оңтүстік-шығысының жекелеген аудандарында – норма шамасында, республиканың батыс өңірлерінде және қиыр оңтүстігінде нормадан 1-2° жоғары болды.
Желтоқсан аяздары жаңа жылдың қаңтар айының бірінші онкүндігінде әлі де сақталды, бірақ екінші және үшінші онкүндіктерде елордада түнде температуралық фон -10-15°С дейін көтерілді, тек кейбір күндері -20-25°С шамасында аяз болды, ал айдың соңында аяз толығымен шегінді, термометр бағаны -6,1°С көрсетті.
Мысалы, айдың бірінші онкүндігінде Сібір антициклонының күшеюімен және Батыс Сібір аудандарынан суықтың кезекті бөлігімен 09 қаңтарда Нұр-Сұлтан қаласында түнде -31,3°С тіркелді, алайда 1893 жылғы қаңтардың абсолюттік минимумы -51,6°С асып түспеді.
Айдың аяғында Орта Азиядан жылы ауа массаларының шығарылуымен Қазақстанның барлық аумағында күннің жылынуы байқалды. Елордада 31 қаңтарда күндіз термометр + 3.4°С белгісіне жетті, тағы да абсолюттік максимумнан асып түспеді (1948 жылы+5,0°С байқалған).
Қаңтарда қар аз түсті, тек республиканың солтүстігінде, шығысында, батыс, оңтүстік және оңтүстік-шығысының жекелеген аудандарында жауын-шашын норма шамасында және 1,3-2,4 есе көп түсті. Жауын-шашынның таралуы бойынша осыған ұқсас ауа райы 1985 және 1996 жылдары, ал температуралық фон бойынша 1998 және 2012 жылдары болды.
