Жарияланды 26.03.2021 Жаңадария су қоймасындағы балықтардың қырылуына байланысты «Қазгидромет» РМК Қызылорда облысы бойынша филиалының кешенді зертханасының мамандары 2021 жылғы 19 наурызда «Қызылорда облыстық орман шаруашылығы және жануарлар дүниесі аумақтық инспекциясы» РММ-мен бірлескен жұмыс жоспарына сәйкес Жаңадария су қоймасындағы 3 нүктеде жоспардан тыс су сынамаларын алу жүргізілді.
Су сапасына талдау басты иондарды, биогенді, органикалық және бейорганикалық заттарды, ауыр металдарды қоса алғанда, 28 физика-химиялық көрсеткіштер бойынша жүргізілді.
Жаңадария су қоймасының суын талдау нәтижелері бойынша судың температурасы 0,5-4,6 ºC шамасында, сутегі көрсеткіші 8,0-9,0, суда ерітілген оттегінің концентрациясы 9,1-10,2 мг/дм3, ОБТ5 – 0,8-0,9 мг/дм3, мөлдірлігі – 21 см, иісі - 0 балл, табиғи суға тән емес иіс табылған жоқ, суы мөлдір.
Су сапасының нормасынан асу сульфаттар бойынша – 370-420 мг/дм3(1,1-1,2 есе) тіркелді.