Жарияланды 12.04.2021 Алдағы күндері Қазақстан аумағының басым бөлігі ауқымды антициклонның ықпалында болады, осыған байланысты республиканың басым бөлігінде ауа температурасының біртіндеп көтерілуі және бұлтты емес ауа райы күтіледі. Тек еліміздің оңтүстігі мен оңтүстік-шығысында ғана атмосфералық фронтальды бөліктердің өтуіне байланысты ауа райының құбылмалы сипаты сақталады, кей жерлерде найзағай ойнап, жаңбыр жауады. Республика бойынша кей жерлерде тұман түсіп, жел күшейеді, оңтүстікте және оңтүстік-батыста шаңды дауыл күтіледі.