Жарияланды 23.04.2021 «Қазгидромет» РМК NASA спутниктерінің ЖҚЗ өңдеген суреттеріне сәйкес, Қазақстан аумағының қармен жабылған ауданы 3% -ті құрайды. Қар жамылғысы негізінен ШҚО, Алматы, Жамбыл және Түркістан облыстарының жыраларында, орманды және таулы жерлерінде сақталады.
Қазақстанның батысында Атлантикалық циклонның әсерінен күн күркіреп, жаңбыр жауады. Циклонның шығыс бағытқа ығысуына қарай, солтүстік-батыста, солтүстікте, кезең соңында республиканың қалған аумағында найзағай ойнап, жел күшейеді. 29-30 сәуірде солтүстік, шығыс және оңтүстік-шығыс өңірлерде қатты жаңбыр жауады, бұршақ жаууы мүмкін. Кезеңнің ортасына қарай республиканың барлық аумағында ауа температурасы көтеріледі деп болжануда. Кезеңнің соңында солтүстік аймақтарда Батыс антициклонының енуімен ауа температурасы түнде тек 0-5 жылы болса, кейбір аудандарда үсік жүреді.