2026 жылғы наурыз айы Қазақстанда ауа райының құбылмалы сипатымен ерекшеленді.
Айдың басында ел аумағының басым бөлігінде аяз сақталды, бұл Таймыр түбегі маңынан келген суық ауа массаларының әсерімен байланысты болды. Көптеген өңірлерде түнгі уақытта ауа температурасы төмендеді: батыста -25°С-қа дейін, солтүстік-батыста, солтүстікте, орталықта және шығыста -35°С-қа дейін, оңтүстікте -20°С-қа дейін жетті.
Жекелеген күндері температуралық рекордтар тіркелді. Мысалы, 10 наурызда Петропавл метеорологиялық станциясында ауа температурасы -34,3°C болды, осылайша 1917 жылы тіркелген (-30,5°C) ғасырлық абсолюттік минимум жаңартылды.
Алайда үшінші онкүндікте көктем өз күшіне еніп, ай соңына қарай ауа райы айтарлықтай жылынды және жаңа рекордтар тіркелді.
21 наурызда Атырау метеостанциясында ауа температурасы +21,6°C-қа жетіп, 2001 жылғы рекордтан (+18,2°C) асты. Сол күні Ақтөбе метеостанциясында ауа +11,9°C-қа дейін жылып, 2013 жылғы көрсеткіштен (+8,1°C) жоғары болды.
24 наурызда Петропавлда температура +7,3°C болып, 1995 жылғы рекордтан (+6,6°C) асты.
25 наурызда Атырауда +23,5°C тіркеліп, 2023 жылғы рекорд жаңартылды (+22,8°C), ал Көкшетауда +10,6°C болып, 2001 жылғы көрсеткіштен (+9,4°C) жоғары болды.
26 наурызда Көкшетауда ауа температурасы +15,1°C-қа жетіп, 2009 жылғы рекордтан (+12,3°C) асты.
27–31 наурыз аралығында да бірқатар метеостанцияларда рекордтық көрсеткіштер тіркелді:
27 наурызда Көкшетауда +16,5°C (2008 ж. +14,7°C), Петропавлда +14,5°C (2008 ж. +10,8°C), Түркістанда +31,5°C (2001 ж. +27,1°C);
28 наурызда Атырауда +24,5°C (2023 ж. +22,6°C), Көкшетауда +17,9°C (2008 ж. +12,8°C), Петропавлда +17,0°C (2023 ж. +13,0°C);
29 наурызда Оралда +22,7°C (2020 ж. +18,9°C);
30 наурызда Атырауда +24,8°C (2023 ж. +24,6°C), Жезқазғанда +24,4°C (2008 ж. +20,4°C).
Айдың басында ел аумағындағы ауа райын циклондар анықтады, ал орта тропосферада биіктік циклонының жырасы байқалды. Атмосфералық фронттардың өтуіне байланысты елдің басым бөлігінде ауа райы тұрақсыз болды, жауын-шашын түсті, оңтүстікте кей жерлерде мол жауын-шашын тіркелді.
Мысалы, Түркістан облысындағы Тұрар Рысқұлов ауылы метеостанциясында 4 наурызда 17 мм, 10 наурызда 27 мм жауын-шашын түсті (айлық норма – 86 мм). Тасарық метеостанциясында 4 наурызда 18 мм, 10 наурызда 29 мм (норма – 98 мм), Қазығұрт метеостанциясында 4 наурызда 16 мм, 5 наурызда 18 мм, 10 наурызда 30 мм (норма – 67 мм) тіркелді.
Елордада айлық орташа ауа температурасы нормадан 3,5°С-қа жоғары болды (норма – -6,0°С). Ең төменгі температура 1 наурызда -24,5°С, ал ең жоғары температура 31 наурызда +16,7°С болды.
Ай ішінде 23,7 мм жауын-шашын түсті, бұл айлық норманың (20 мм) 118%-ын құрайды.
