Қазақстанда соңғы онжылдықтарда ауа температурасының тұрақты жоғарылау үрдісі байқалады. 1976–2025 жылдар аралығында ел аумағындағы орташа жылдық температура әр 10 жыл сайын шамамен 0,4 °C-қа жоғарылаған.
Жылыну әсіресе көктем мезгілінде айқын байқалады — әр 10 жыл сайын шамамен 0,7 °C-қа. Ал ең қарқынды өсім наурыз айында тіркеледі — онжылдықта шамамен 1,1 °C.
Жаз мезгілінде де температура жоғарылап келеді — орта есеппен әр 10 жыл сайын 0,26 °C-қа.
Өзгерістер әсіресе еліміздің батыс және оңтүстік өңірлерінде айқын байқалады. Мысалы, Батыс Қазақстан облысында орташа жылдық температура әр 10 жыл сайын шамамен 0,59 °C-қа, Атырау облысында — 0,54 °C-қа, ал Маңғыстау және Қызылорда облыстарында шамамен 0,53 °C-қа жоғарылайды.
Бұл ретте тек орташа температура ғана емес, ыстық күндердің саны, аптап ыстық кезеңдерінің ұзақтығы және жылы түндердің саны да артып келеді.
Сондықтан қазіргі кезеңдегі маңызды климаттық үрдістердің бірі — жалпы жылынумен қатар, температуралық экстремалды құбылыстардың күшеюі.
Осы жаңалықпен әлеуметтік желілерде бөлісем десеңіз
