Жарияланды 26.07.2021 Қазақ ұлттық университетінің география және табиғатты пайдалану факультетінде, 23 шілде күні ҚР экология, геология және табиғи ресурстар министрлігінің, гидрология, метеорология және экология саласындағы жоғары кәсіби кадрларды даярлаудағы адал және жемісті еңбегі үшін метеорология және гидрология кафедрасының оқытушыларына құрмет көрсетіліп, төсбелгілермен марапатталды:
Құрмет белгілерімен профессор Давлетқалиев С. К., профессор Чередниченко В. С., доцент Дүйсенова Р. Х., доцент Турулина Г. К., доцент Абдрахимов Р. Г.
Төсбелгілерді "Қазгидромет" РМК бас директорының орынбасары Саиров Серік Бияхметұлы, "Қазгидромет" РМК Алматы қаласы бойынша филиалының директоры Қасымбек Талғат Нұрлыбайұлы, география және табиғатты пайдалану факультетінің деканы, профессор Сальников Виталий Григорьевич табыс етті.
Марапатталатын оқытушылардың ҚР гидрометеорологиялық қызметі үшін мамандар даярлауда сіңірген еңбегі және олардың өндірістік, ғылыми және педагогикалық мәселелер бойынша "Қазгидромет" РМК-мен көпжылдық өзара тиімді ынтымақтастығы атап өтілді.
Достық әңгіме барысында гидрометеорологиялық бейіндегі мамандардың өзгеріп отырған заманауи еңбек жағдайларына сәйкес оқу процесін ұйымдастыру және оқу жоспарларын түзету бойынша мәселелерді одан әрі бірлесіп шешу міндеттемелері расталды.
Әріптестерді жоғары марапаттармен және олардың еңбегінің мойындалуымен құттықтаймыз.