Жарияланды 28.02.2022 2022 жылдың 25 ақпанында "Қазгидромет" РМК, Орал қаласында өткен Жайық (Орал) трансшекаралық бассейнінің экожүйесін сақтау мәселесі жөніндегі кеңеске қатысты. Аталған кеңеске "Қазгидромет" РМК атынан бас директордың орынбасары — С.Саиров, ғылыми-зерттеу орталығының директоры — Н.Абаев және жетекші ғылыми қызметкер — Е.Тарасенко қатысты.
Қазақстанның ұлттық гидрометеорологиялық қызметінің өкілдері, "Қазгидромет" РМК-ның "Ірі өзендер бассейндерінде (Жайық, Ертіс) зерттеулер жүргізу бойынша, ынтымақтастықты жандандырудың бірыңғай Жол картасын" іске асыру бойынша орындалатын жұмыс түрлеріне және Жайық өзенінің трансшекаралық бассейнінің экожүйесін сақтау бойынша Қазақстан-Ресей комиссиясының қызметін жандандыру шараларына қатысты баяндамаларымен сөз сөйледі.
Сондай-ақ, 2022 жылға арналған Жайық өзенінің бассейндерінде ылғал қорының жинақталуы және көктемгі су тасқынының алдағы кезеңінде күтілетін ағын көлемі туралы анықтама-кеңес берілді.