Наурыздың бірінші онкүндігінде республиканың оңтүстігінің, оңтүстік-шығысының күздік дәнді дақылдар себілген аудандарында температуралық фон көбінесе нормадан 1...9ºС, батыста 2...4ºС жоғары болған, жауын-шашын барлық жерде нормадан жоғары жауған.
Түркістан облысының бақыланатын учаскелерінде «көктеу» -
«3-жапырақ» фазасындағы күздік бидайдың қайта өсіп-өнуі байқалған, өсімдіктердің биіктігі 4-17 см. Дақылдардың жағдайы жақсы деп бағаланған, 1 м2 аумақтағы өсімдіктердің орташа саны 148-332 данаға дейін жеткен. Жоңышқа шөбінің жағдайы көбінесе жақсы, Ордабасы ауданының Бүгін және Бәйдібек ауданының Екпінді агробекеттері маңайында қанағаттанарлық, даму фазасы - «өсімдік сабағының өсуі». Жоңышқа шөбінің биіктігі 5 см дейін жеткен.
Алматы облысында күздік бидайдың түптену тереңдігіндегі (3 см) топырақтың минималды температурасы 0ºС минус 2ºС дейін, Жамбыл облысында 0ºС және Түркістан облысында плюс 1...4ºС болған.
2022 жылдың наурыз айының 1-ші онкүндігіне арналған агрометеорологиялық шолумен, толығырақ келесі сілтеме арқылы өтіп, таныса аласыз: https://www.kazhydromet.kz/ru/agrometeorology/kratkiy-obzor-agrometeorologicheskih-usloviy
