NASA спутниктік суреттердің деректері бойынша "Қазгидромет" РМК есептеген Қазақстан аумағының қармен жабылған ауданы 2022 жылғы 31 наурыз бен 7 сәуір аралығындағы кезеңде 45%-дан 9%-ға дейін азайды.
2022 жылғы 9-15 сәуірдегі апталық синоптикалық болжамға сәйкес атмосфералық фронттардың өтуімен барлық кезең: батыста, солтүстік-батыста, оңтүстікте, оңтүстік-шығыста, 11-15 сәуірде орталықта, 12-15 сәуірде солтүстікте жаңбыр күтіледі. 9 сәуірде Түркістан және Жамбыл облыстарында, 11 сәуірде Қызылорда облысында, 13-14 сәуірде Батыс Қазақстан облысында, 13-15 сәуірде Атырау облысында қатты жаңбыр жауады, осыған байланысты республиканың оңтүстік және оңтүстік-шығыс тау бөктеріндегі аудандарында беткейлік ағынды қалыптасады деп күтілуде.
Еліміздің солтүстік жартысы мен шығысында түнгі температура оң мәндерге дейін көтеріледі деп күтілуде, күндізгі уақытта ауа температурасы 15-22 жылыға дейін, шығыста 20-25 жылыға дейін көтеріледі. Осыған байланысты, Ақмола және Солтүстік Қазақстан облыстарының өзендерінде мұз құбылыстары әлсіреп, су деңгейі көтеріледі деп болжануда.
Қазақстанның жазық өзендерінің бассейндері бойынша жинақталған ылғал қорының көлемі келесідей қалыптасты:
- Қарағанды, Ақмола, Ақтөбе және Батыс Қазақстан, Қостанай облыстары азайды. Көптеген өзендерде су тасқыны шыңдары өтті, су деңгейі біртіндеп төмендейді.
