Өңірлік филиалдардың жұмысын жариялау, жөндеу жұмыстары мен жетістіктері бойынша тұрақты айдарда – Алматы облысы филиалы.
- «Қазгидромет» РМК Алматы облысы бойынша филиалының қызмет ету аймағында 1 қатынасы қиын станция (ҚҚС), 11 метеостанция, 7 автоматты станция, 1 автоматты агрометеорологиялық бекет, 29 гидрологиялық бекет жұмыс істейді. Филиал – Алматы және Жетісу бойынша екі облыс жұмысын біріктіреді.
- 2021 жыл және 2022 жылдың 1 жартыжылдығы кезеңінде метеорологиялық, агрометеорологиялық, гидрологиялық және экологиялық қызмет бойынша жұмыстар толық көлемде орындалды:
- Гидрологиялық бекеттерде: Тентек ө. – Төңкеріс шатқалы, Ү.Өсек ө. және К.Өсек ө. ҚҚС ағымдағы жөндеу жұмыстарын жүргізді.
- 2020-2021 жылдары Лепсі метеостанцияларындағы қоршауды ауыстырды және 4 метеостанцияда (МС): Жаркент, Алакөл, Сарқанд және Матай су құбырын жүргізді.
- «Талдықорған» МС аумағында доплерлік метеорологиялық радиолокатор (ДМРЛ) орнатылды, толық көлемде жұмыс істейді.
- Жалаңашкөл және Тентек ө. – Төңкеріс шатқалы, Ү.Өсек ө. және К.Өсек ө. ҚҚС қызметкерлері үшін азық-түлік сатып алынды және жеткізілді.
Қосымша бақылаулар жүргізілуде:
- радиациялық гамма-фонды өлшеуге 4 станция жұмылдырылған: (Сарыөзек, Жаркент, Талдықорған және Лепсі).
- Түскен жауын - шашынның ластануына планшет сынамасы әдісімен 3 станция (Жаркент, Талдықорған және Лепсі) және барлық түскен жауын-шашынның жиналу әдісімен Текелі станциясы жұмылдырылды.
- Су бетінен булануға 2 станция жұмылдырылған: Үштөбе және Сарқанд.
- Ақжар және Жалаңашкөл АМС тұрақты жұмыс істеу үшін спутниктік терминалдар орнатылды.
- Үшарал метеорологиялық станциясында топырақтың қату және еру тереңдігіне бақылаулар қосылды.
- Агрометеорологиялық бақылау өндірісіне 6 МС (Жаркент, Қоғалы, Лепсі, Сарқанд, Талдықорған, Үштөбе), 2 АМС (Ақжар, Жансүгіров), 1 АМП (Қосағаш) және 1 ААП (Қызылту) жұмылдырылған.
- Ауыл шаруашылығы дақылдарының жай-күйі мен параметрлерін бақылау 28 бақылау бекеттерінде жүргізіледі.
Жарияланды 18.07.2022