Жарияланды 25.08.2022 2022 жылғы 25-30 тамыз аралығында Ташкент қаласында (Өзбекстан) Cosmo-CA сандық болжамдарын шығару жүйесін дамыту және олардың нәтижелерін пайдалану мәселелері бойынша синоптиктер мен IT-мамандарға арналған алғашқы семинар өтеді. Семинарға Орталық Азия елдерінің (Қазақстан, Қырғызстан, Тәжікстан, Түркіменстан және Өзбекстан) ұлттық гидрометеорологиялық қызметінің мамандары қатысады, олардың қатарында біздің еліміздің өкілі - "Қазгидромет" РМК қызметкерлері де бар.
Бір апта бойы жалғасатын семинарда қатысушылар Автоматты хабарлау жүйесі COSMO және ICON модельдерінің конфигурацияларын қоса алғанда, жоғары дәрежеде нақтылайтын сандық болжам жүйелерінің қазіргі жай-күйін талқылайтын болады. Сонымен қатар олар веб-технологиялар негізіндегі қауіпті құбылыстар туралы ескертулерді зерттейді.
Тыңдаушыларға MeteoAlert-CA ескертулер картасының жаңартылған нұсқасы, оның жаңа мүмкіндіктері, синоптиктердің осы жүйемен жұмыс істеуінің практикалық тәсілдері көрсетіліп, одан әрі дамыту мәселесі баяндалмақ.
Оқытудың негізгі бөлігі Еуроазиялық өңірге арналған COSMO моделінің конфигурацияларын пайдалану тәжірибесі негізінде өнімге шолу жүргізуді қамтиды. Бұған қоса болжам сайтын ағымдағы ауа-райы туралы ақпарат беру, дауыл туралы хабарлау, қысқа мерзімді болжамдар жасау (сандық болжамды қоса алғанда) және синоптиктерге бейне-кеңес беру бөлігінде дамыту тәжірибесімен таныстырылатын болады.