«Қазгидромет» РМК қызметкерлері Астана қаласының Көлік және коммуникациялар жоғары колледжі Балалар мен жасөспірімдер туризмі және өлкетану орталығының оқушылары үшін экскурсия өткізді.
Балалар «Болашақ экологиясы» үйірмесіне қатысады және ауа-райы мен климаттың өзгеруіне байланысты барлық мәселелерге үлкен қызығушылық танытады. Экскурсия барысында балалар «Қазгидромет» РМК мұражайында болып, метеорологтардың өткен ғасырда қолданған аспаптарымен танысты. Мұнда тарихи құжаттар, метеорологиялық құралдар және Қазгидрометтің еңбек сіңірген қызметкерлерінің деректі естеліктері жинақталған. Қазақстанның ұлттық гидрометеорологиялық қызметінің тарихы мұражайы 100 жылдық мерейтойға орай 2021 жылы ашылды.
