Өткен онкүндікте Қазақстанның басты егін шаруашылығы аудандарының басым бөлігінде әлі де мол жауын-шашын байқалған, бұл егін жинау жұмыстарының қарқынына әсер еткен.
Түнгі уақытта елдің солтүстік облыстарында, батысында, орталығында және шығысында байқалған минус 2-7°С дейінгі үсік (кей жерлерде минус 10°С дейін) жаздық дәнді дақылдардың піскен дәндері үшін қауіпті болмаған, бірақ таңертеңгі уақытта егін жинау жұмыстарын жүргізуді қиындатқан. Барлық бақылау учаскелерінде «толық пісу» кезеңі байқалған, дәнді дақылдар егістіктерінің жағдайы өте жақсы және жақсы.
Республиканың оңтүстігінің және оңтүстік-шығысының күздік бидай себілетін аудандарында егістіктерді дайындауға және күздік бидайды себу жұмыстарын жүргізуге қолайлы метеорологиялық жағдайлар болған.
2022 жылдың қыркүйек айының 3-ші онкүндігіне арналған агрометеорологиялық шолумен, толығырақ келесі сілтеме арқылы өтіп, таныса аласыз: https://www.kazhydromet.kz/ru/agrometeorology/kratkiy-obzor-agrometeorologicheskih-usloviy
