Жарияланды 04.11.2022 Лаос Демократиялық Республикасының Вьентьян қаласында 2022 жылғы
31 қазан - 1 қараша аралығында Дүниежүзілік метеорологиялық ұйымның (ДМҰ) II Өңірлік қауымдастығы елдерінің (Азия) гидрологиясы жөніндегі үйлестіру тобының бірінші отырысы өтті. Сонымен қатар, 2022 жылғы 1-3 қарашада отырыс шеңберінде Азия өңірі елдеріне, оның ішінде Орталық Азия субөңіріне HydroSOS жүйесін енгізу тақырыбында семинар өтті.
Қазақстанның тарапынан іс-шараларға «Қазгидромет» РМК бас директорының орынбасары, ДМҰ жанындағы Қазақстанның тұрақты өкілінің гидрология жөніндегі кеңесшісі Серік Саиров қатысты.
HydroSOS жүйесі - су объектілерінің гидрологиялық жай-күйін бағалау мен болжаудың жаһандық мониторинг жүйесі. HydroSOS жүйесі гидрологиялық мониторингке, деректермен алмасуға және метеорологиялық болжауға қатысты ДМҰ-ның қолданыстағы және жоспарланып отырған бастамаларына негізделеді. Жалпы, HydroSOS жүйесі гидрометеорологиялық қызметтер мен халық үшін өзекті гидрологиялық ақпарат ұсынатын бірегей оперативті жүйені құруға бағытталған.