Жарияланды 08.12.2022 2022 жылғы 7-8 желтоқсанда Қазақстан Республикасы Экология, геология және табиғи ресурстар министрлігі Қазақстандағы БҰҰ Даму бағдарламасымен (БҰҰДБ) және Назарбаев Университетімен бірлесіп жыл сайынғы «Climate Talks» білім беру конференциясын өткізеді.
Аталған конференцияның мақсаты БҰҰ-ның Климаттың өзгеруі туралы негіздемелік конвенциясы тараптарының 27-ші конференциясында қол жеткізілген халықаралық келіссөздердің қорытындыларын, жаһандық климаттың өзгеруінің салдары және әлемде және елде қабылданатын шаралар, парниктік газдар шығарындыларын азайту және климаттың өзгеруіне бейімделу жөніндегі механизмдер туралы, сондай-ақ БҰҰ-ның Климаттың өзгеруі туралы негіздемелік конвенциясы барысында қол жеткізілген нәтижелер туралы кеңінен хабардар ету және тарату, БҰҰДБ Климаттық жобалар портфелін іске асыру болып табылады.
Іс-шараға мүдделі министрліктердің, үкіметтік емес ұйымдардың, жастар бастамаларының, академиялық қоғамдастықтың өкілдері және халықаралық және ұлттық сарапшылар қатысады.
Конференцияның екінші күні «Қазгидромет» РМК Ғылыми-зерттеу орталығының директоры Нұрлан Абаев пен климаттық зерттеулер басқармасының бастығы Светлана Долгих «Климаттық ауа-райы құбылыстары» атты баяндама жасады.