Жарияланды 27.12.2022 "Қазгидромет" РМК үшін биылғы жыл жарқын және есте қалатын жыл болды. Өйткені 2022 жылы Қазақстанның ауа райы қызметіне 100 жыл толды!
Жыл атаулы күнге арналған маңызды іс-шаралармен есте қалмақ - Ұлттық гидрометеорологиялық қызметтің 700-ден астам қызметкері мерейтойлық медальдармен және грамоталармен марапатталды. Мерейтойға орай сүйікті ісіне 30 жыл немесе одан да көп уақыт бойы үлес қосқан қызметкерлерге арналған "Қазгидрометтің 100 тұлғасы", сондай-ақ "ХХІ ғасырдағы Қазгидромет. Кеше, бүгін, ертең" атты кітаптар жарық көрді. "Ауа-райын бақылау" деректі фильмі, сондай-ақ қызмет ардагерлерімен және қазіргі мамандармен бірге YouTube арнасында арнайы шығарылымдар дайындалды.
Ағымдағы жылы Дүниежүзілік Банк Австрияның орталық метеорология және геодинамика институтымен (ZAMG) бірлесіп "Қазгидромет" РМК-ге сараптамалық бағалау жүргізді. Нәтижесінде ғылыми инфрақұрылым мен климаттық қызмет көрсетуді жетілдіру жөнінде ұсынымдар берілді.