Жарияланды 11.09.2023 Тамыздың бірінші онкүндігінде және үшінші онкүндігінің бірінші жартысында Қазақстан аумағының басым бөлігінде антициклондық ауа райы орнап, ауа температурасы +34+43°С дейін көтерілді. Бұл күндері республиканың жекелеген аймақтарында максималды ауа температурасының рекорды байқалды. Мәселен, 2 тамызда елордада ауа температурасы +34,3°С дейін көтеріліп, 2021 жылғы рекорд (+33,2°С) жаңарды, 5 тамызда Ақтау қаласында ауа температурасы +41,5°С-қа дейін жетіп, 2015 жылғы рекордтан (+40,2°С) асып кетті, ал Алматы қаласында +38,5°С тіркелді, бұл осы күн үшін рекордтық көрсеткіш болды. Соңғы рет абсолюттік максимум 2015 жылы орын алып, +37,1°С мөлшерінде болды.
Тамыз айында сонымен қатар жауын-шашын мөлшері бойынша рекордтар байқалды. Мысалы, 10 тамызда Қарағанды қаласында тәулігіне 54 мм жауын-шашын жауды, бір айлық норма 29 мм-ді құрайды, 11, 12, 28 тамызда Алматы облысының таулы және тау бөктеріндегі аудандарында жауын-шашын болды, оның қалыңдығы кейде 15-47 мм-ге дейін жетті (12 тамызда Алматы қаласында 26 мм жауын-шашын жауды, норма 34 мм-ді құрайды, 14 тамызда «Мыңжылқы» метеостанциясында қалыңдығы 7 мм-ге дейін жеткен қалың қар жауды), 27, 31 тамызда Түркістан облысында 15-24 мм мөлшеріндегі қатты жаңбыр жауды (27 тамызда Шымкент қаласында 28 мм жауын-шашын жауды, айлық норма 4 мм). Айдың ішінде жел жиі күшейді, оның екпіні 15-32 м/с дейін жетті, 31 тамызда «Достық» метеостанциясында (Жетісу облысы) желдің жылдамдығы 45 м/с дейін жетті.
Астана қаласында ең төменгі ауа температурасы 14 тамызда тіркеліп, +8,7°С құрады, ал ең жоғары ауа температурасы 23 тамызда байқалып, +35,4°С құрады. Айдың ішінде 27 мм жауын-шашын жауды, айлық норма 31 мм-ді құрайды (норманың 87%-ы).