Жарияланды 12.10.2023 Қазақстанның ұлттық гидрометеорологиялық қызметіне елордалық
22-мектептің оқушылары келді. Балалар «Білім аумағы» жобасына қатысып жатыр, байқау үшін әр сынып өз қаласының қызықты тарихи орны туралы бейнежоба дайындауы тиіс. «Қызықты жер» ұғымына сәулет ескерткіштері, көшелер немесе мұражайлар жатады.
Оқушылар Қазгидрометті таңдады, атап айтқанда, «Астана» метеорологиялық станциясы және Ауа райы қызметінің жұмысы туралы әңгімелеп беруге шешім қабылдады. Елордалық метеостанция 1916 жылы салынған тарихи ғимаратта орналасуымен ерекшеленеді. Ғимаратты Николаев негізгі физикалық обсерваториясының тапсырмасы бойынша Екатеринбург обсерваториясы салған және ол қаланың метеорологиялық қызметінің пайда болуымен байланысты сәулет ескерткіші болып табылады. Осы уақытқа дейін ол өзінің бастапқы мақсаты бойынша 150 жылдан астам уақыт бойы пайдаланылып келеді. Ал 2022 жылы Қазгидромет ғимаратында ғасырлық мерейтойға орай ауа райы қызметінің тарихы мұражайы ашылды.
Экскурсия кезінде балалар метеостанцияда, мұражайда және гидрометеорологиялық орталықта болды. Мамандарға сұрақтар қойып, бақылаушылар мен синоптиктердің жұмысын тамашалады.