Жарияланды 11.03.2024 2024 жылғы 11 наурызда ғылым кандидаты, доцент, Әл-Фараби атындағы ҚазҰУ география факультетінің оқу-әдістемелік жұмысы жөніндегі деканының орынбасары Дәулет Қалибекұлы Жүсіпбеков өмірден озды.
Дәулет Қалибекұлы гидрология саласындағы заманауи мамандарды тәрбиелеуге зор үлес қосты. Өз ісі кәсіпқойларының бірнеше буынын тәрбиелеп шығарды. Ол 30-дан астам ғылыми мақала, көптеген оқулықтар мен ғылыми жобалар жариялады. Дәулет Қалибекұлы дипломдық және курстық жұмыстарды, оқу практикаларын, магистранттар мен докторанттардың диссертацияларын басқарды. Оқыту әдістемесін және оқылатын пәндердің оқу-әдістемелік кешенінің мазмұнын жетілдіру бойынша тұрақты жұмыс жүргізді. «Балқаш көлі деңгейінің ауытқуы мен минералдануының ықтималды болжамы» тақырыбына жазылған оның кандидаттық диссертациясы - гидрологиялық пәндерді оқытудағы практикалық нұсқаулықтардың бірі болып табылады.
«Қазгидромет» РМК ұжымы орны толмас қайғыға байланысты марқұмның туыстары мен жақындарына қайғыра көңіл айтады.