Жарияланды 10.04.2024 Тау өзендері үшін (Қазақстанның оңтүстігі, оңтүстік-шығысы және шығысы) алдағы уақыттағы су көлемінің негізгі көрсеткішін 2023 жылғы 1 қазаннан бастап 2024 жылғы 1 сәуірді қоса алған ылғал жиналу кезеңінде жауған жауын-шашынның жалпы көлемі құрайды.
Жерді қашықтықтан зондтау суреттерінің деректеріне сәйкес 2024 жылғы
7 сәуірдегі жағдай бойынша Қазақстанның қар жамылған таулы аумақтарының көлемі:
- Жамбыл облысы бойынша - 2%;
- Түркістан облысы бойынша - 2%;
- Алматы облысы бойынша - 14%;
- Жетісу облысын бойынша - 18%;
- Абай облысы бойынша - 9%;
- Шығыс Қазақстан облысы бойынша - 63% құрайды.
Ылғал жиналу кезеңінде жауған жауын-шашынның көлемі Қазақстанның тау өзендері бойынша 2024 жылғы вегетациялық кезеңге арналған гидрологиялық болжамда келтірілген, оны https://www.kazhydromet.kz/ru/gidrologiya/gidrologicheskiy-prognoz сілтемесі бойынша алуға болады.
Метеостанцияларда жүргізілген көпжылдық бақылауларға сәйкес, бір тәулік ішінде жауын-шашынның айлық нормасы түсуі мүмкін, бұл қауіпті табиғи гидрометеорологиялық құбылыстардың пайда болуына әкелуі ықтимал. Температуралық фон көтеріліп, нөсер жаңбыр жауған жағдайда, Қазақстанның оңтүстігіндегі, оңтүстік-шығысы мен шығысындағы тау өзендерінде жаңбырдан болған қатты су тасқыны орын алуы мүмкін.