Жарияланды 21.04.2024 Облыстың ішкі өзендерінің басым бөлігінде су тасуының шыңы өтті.
21.04.2024 ж. сағат 12.00-дегі жағдай бойынша Жайық өзені - Орал қаласы гидрологиялық бекетінде су деңгейі 854 см, қауіпті деңгей 850 см құрайды.
Сағат 08:00-де (Мәскеу уақыты бойынша 06:00) 21.04.2024 ж. Ирикла су қоймасынан су тасталымы 294 м3/с құрайды.
Жайық өзені ағынының 50%-ын құрайтын саласы - Сакмара өзенін де ескерген жөн. 21.04.2024 ж. сағат 08.00-дегі жағдай бойынша Сакмара өзені-татар Каргала гидрологиялық бекетінде су деңгейі 877 см (қауіпті деңгейі-860 см.) құрайды және тәулікіне су деңгейінің өзгеруі -9 см.
Анықтама:
Рогидрометтің болжамы бойынша, Сакмара өзенінде су тасуы қазірдің басталып, максималды су шығын 2300 м3/с болғанда, 5-6 млрд м3 көлемінде су күтілуде. Жайық өзенінің (РФ) жоғарғы ағысындағы, сондай-ақ Сакмара өзеніндегі сулар Батыс Қазақстан облысының аумағына сәуірдің екінші жартысында (15 сәуірден кейін) келеді. Тиісінше, Жайық өзенінде күтілетін су тасуы көлемі 11-15 млрд. м3.
Жайық өзені - Орал қаласы гидрологиялық бекетінің қауіпті деңгейі 850 см құрайды, одан асқан жағдайда Шаған өзеніне кері ағу әсері бақылануы мүмкін, бұл Орал қаласындағы саяжайларды су басуға алып келеді. Сондай-ақ Жайық өзенінің бойында орналасқан Бөрлі, Бәйтерек, Теректі, Ақжайық өңірлеріндегі елді мекендерді де су басу қауіп төніп тұр.
РФ Орынбор қаласы бойынша ақпарат:
Урал өзені – Орынбор қ. гидрологиялық бекеті тұстамасында 21.04.2024 ж. сағат 08.00-де су деңгейі 977 см құрады, тәулігіне су деңгейі 25 см-ге төмендеді.
21-26.04.2024 ж. бойынша ауа райы болжамы
Батыс Қазақстан облысында 23, 25 сәуірде күндіз, 26 сәуір тәулікте жаңбыр жауады деп болжануда.
Ауа температурасының түнде 12-17 градустан 4-9 градусқа дейін төмендеуі, кезеңнің соңында аздап 7-12 градусқа дейін көтерілуі, күндіз 27-32 градустан 15-20 градусқа дейін бірте-бірте төмендеуі, кезеңнің соңында 20-25 градусқа дейін жоғарылауы күтілуде.