Жарияланды 23.04.2024 Сәуір айының соңғы күндері елордалық 85-мектептің оқушылары «Қазгидромет» РМК музейіне келді. Қазақстанның Ұлттық гидрометеорологиялық қызметінің 100 жылдығына орай 2021 жылдың желтоқсан айында Қазгидрометте Ауа райы қызметінің ғасырлық тарихы музейі ашылды. Қазіргі уақытта Қазақстанның климаты мен географиялық ерекшеліктерін белсене зерттеп жүрген 6-сынып оқушылары үшін Қазгидромет музейіне бару - ең қызықты оқиғалардың бірі. Мемлекеттік кәсіпорынның қызметкері ауа-райы қалай болжанаты, синоптиктер болжамдарды қалай жазатыны, өз жұмысында нені қолданатыны жөнінде әңгімелеп берді және көрсетті. Балалар тарихи аспаптар мен сала ардагерлерінің фотосуреттерін көрді.