Жарияланды 27.06.2024 Республиканың оңтүстігінің және оңтүстік-шығысының жаздық дәнді дақылдар бақыланатын учаскелерінде «төменгі сабақ түйінінің пайда болуы»-«масақтану», Алматы, Жамбыл және Түркістан облыстарының жеке аудандарында «дәннің сүттенуі»-«дәннің уыздануы» даму фазалары байқалады. Жаздық дәнді дақылдардың жағдайы көбінесе жақсы.
Батыста жаздық дәнді дақылдардың егістіктерінде «түптену»-«төменгі сабақ түйінінің пайда болуы», Ақтөбе облысының Әйтеке би ауданының кеш себілген егістіктерінде «3-ші жапырақ» даму фазалары байқалған. Жаздық дәнді дақылдардың жағдайы көбінесе жақсы.
Солтүстікте (Қостанай, Солтүстік Қазақстан, Ақмола және Павлодар облыстары) жаздық дәнді дақылдар себу науқаны аяқтады. Егін мерзіміне байланысты егістіктер «түйін тамырының пайда болуы»-«түтікке шығу», кеш себілген егістіктерде «көктеу» - «3-ші жапырақ», Павлодар облысының Ертіс ауданында (Голубовка метеостанциясы) жаздық арпа егістіктері «төменгі сабақ түйінінің пайда болуы» фазаларында болған. Ақмола облысының Біржан сал ауданында (Степняк метеостанциясы) осы онкүндіктің соңында жаздық арпа себілді. Жаздық дәнді дақылдардың жағдайы көбінесе жақсы және қанағаттанарлық. Ақмола облысының Вознесенка және Солтүстік Қазақстан облысының Тимирязев метеостанцияларының маңайында топырақ қабыршығы байқалған.
Елдің орталығында (Қарағанды облысы) жаздық дәнді дақылдарды себу жұмыстары жалғасуда, Абай ауданында (агропост Агрогородок) сәуір айының екінші онкүндігінде себілген жаздық арпа егістіктерінде «масақтану» фазасы жалғасуда. Жаздық бидай дақылдарында «түптену»-«түтікке шығу», кеш себілген егістіктерде «көктеу»-«3-ші жапырақ» даму фазалары байқалады. Жаздық дәнді дақылдардың жағдайы көбінесе жақсы.
Елдің шығысында (Абай және Шығыс Қазақстан облыстары) жаздық дәнді дақылдар егістіктерінде «түйін тамырының пайда болуы»-«түтікке шығу», ерте себілген егістіктерде «төменгі сабақ түйінінің пайда болуы» даму фазалары орын алған. Өсімдіктердің жағдайы көбінесе жақсы және өте жақсы.
Республиканың оңтүстігінде және оңтүстік-шығысында (Жетісу, Алматы, Жамбыл және Түркістан облыстары) күздік бидай бақылау учаскелерінде «дәннің сүттенуі»-«дәннің уыздануы» фазалары байқалған. Күздік бидайдың жағдайы көбінесе жақсы және өте жақсы.
Елдің оңтүстігінде (Түркістан облысы) жылу сүйгіш дақылдар (соя, мақта) егістіктерінде мақтада көбінесе жапырақтардың өсуі байқалады. Өсімдіктердің жағдайы көбінесе жақсы және өте жақсы.
Жетісу облысында қант қызылшасы егістіктерінде «5-ші нағыз жапырақ»-«бүйір өскіндерінің пайда болуы» фазалары байқалған. Өсімдіктердің жағдайы өте жақсы.
Оңтүстікте және оңтүстік-шығыста жүгері егістіктерінде «9-шы жапырақ» және «19-шы жапырақ» пайда болу фазалары байқалады. Жағдайы көбінесе жақсы.
Күріш дақылдарында Алматы, Жетісу және Қызылорда облыстарында «түптену» даму фазасы болған. Өсімдіктердің жағдайы көбінесе жақсы.
Түркістан облысында мақта дақылдарында көбінесе «8-ші нағыз жапырақ»-«түйнектеу» фазасы байқалған, өсімдіктердің жағдайы көбінесе өте жақсы және жақсы.
Абай, Шығыс Қазақстан және Павлодар облыстарында күнбағыс дақылдарында «2-ші жапырақ жұбы»-«гүлшоғырларының пайда болуы» даму фазалары байқалады. Өсімдіктердің жағдайы жақсы және өте жақсы.
Солтүстік Қазақстан облысында майлы зығыр дақылдарында «сабақтың өсуі» даму фазасы байқалады. Өсімдіктердің жағдайы көбінесе жақсы. Ақтөбе, Алматы, Жетісу облыстарында картоп бақыланатын учаскелерде «бүйір өскіндерінің пайда болуы» даму фазасы байқалады.
Оңтүстікте және оңтүстік-шығыста жеміс-жидек (алма, таңқурай, алмұрт, шие) дақылдарында «жемістердің қалыптасуы» - «сабақ өскінінің ұзындығына аяқталуы», таңқурайда «гүлдену» фазалары байқалады.
Мал шаруашылығы аумағының басым бөлігінде жайылымдар әлсіз тапталған, Алматы облысының Еңбекшіқазақ ауданында, Жамбыл облысының Мойынқұм, Талас және Шу аудандарында, Қарағанды облысының Шет ауданында және Маңғыстау облысында кейбір жайылымдар тапталмаған, жайылымдар қатты тапталған Алматы облысының Жамбыл ауданында, Батыс Қазақстан облысының Ақжайық ауданында, қалған жайылымдардың бірқалыпты тапталуы байқалған.
Жайылымдардағы шымның жағдайы көбінесе құрғақ, Ақтөбе облысындағы кейбір жайылымдарда дымқыл.
Көптеген жайылымдық шөптердің өсуі мен дамуы үшін агрометеорологиялық жағдайлар қолайлы болған, жайылымдардағы шөптердің жалпы визуалды жағдайы жақсы, кейбір жайылымдарда қанағаттанарлық, Алматы облысының Жамбыл және Еңбекшіқазақ аудандарында, Қарағанды облысының Шет ауданында, Солтүстік Қазақстан облысының Ақжар және Уәлиханов аудандарында өте жақсы.
Елдің негізгі астық егетін аймақтарының көптеген аудандарында жауған жауын-шашын топырақта жақсы ылғалдылықты сақтап, топырақтың ылғалдылығы қанағаттанарлық және оңтайлы болған, алайда жеке аудандарда топырақтың егістік қабатында ылғалдың төмендеуі байқалған, өйткені аймақ бойынша жаңбыр біркелкі түспеген.