Жарияланды 05.07.2024 Республиканың оңтүстігінің және оңтүстік-шығысының жаздық дәнді дақылдар бақыланатын көптеген аудандарының учаскелерінде «дәннің сүттенуі» - «толық пісуі», жеке учаскелерде «төменгі сабақ түйінінің пайда болуы» - «масақтану» даму фазалары байқалады, Жамбыл облысының Төле Би метеостанциясының маңайында бақыланатын учаскелерде жаздық арпаны жинауға кіріскен. Жаздық дәнді дақылдардың жағдайы көбінесе жақсы.
Батыста жаздық дәнді дақылдар егістіктерінде «түптену» - «төменгі сабақ түйінінің пайда болуы» даму фазасы байқалады, Алғын ауданында Қарабұлақ метеостанциясының маңайында егіннің кеш себілуіне байланысты арпаның көктеуі байқалмаған. Жаздық арпаның биіктігі 20-44 см. Өсімдіктердің жағдайы қанағаттанарлық, кейбір жерлерде жақсы. Сұлы бақыланатын егістерде – «дәннің сүттену» фазасы байқалады, өсімдіктердің биіктігі 54 см.
Солтүстікте (Қостанай, Солтүстік Қазақстан, Ақмола және Павлодар облыстары) егін мерзіміне байланысты егістер «түйін тамырларының пайда болуы» - «төменгі сабақ түйінінің пайда болуы», кеш себілген егістіктер «көктеу» - «3-ші жапырақ» фазаларында болған. Жаздық дәнді дақылдардың жағдайы көбінесе жақсы және қанағаттанарлық. Ақмола облысының Егіндікөл және Жақсы метеостанцияларының маңайында өсімдіктердің тамыр шірігімен және нан бүргесінен зақымдануы байқалады.
Елдің орталығында (Қарағанды, Ұлытау облыстары) жаздық дәнді дақылдарды себу жұмыстары жалғасуда, сәуір айының екінші онкүндігінде себілген Абай ауданында (агропост Агрогородок) жаздық арпа егістіктерінде «масақтану» даму фазасы жалғасуда. Жаздық бидай егістіктерінде «түптену» - «түтікке шығу», кеш себілген егістерде «көктеу» - «3-ші жапырақ» даму фазалары байқалады. Жаздық дәнді дақылдардың жағдайы көбінесе жақсы.
Еліміздің шығысында (Абай және Шығыс Қазақстан облыстарында) жаздық дәнді дақылдар егістіктерінде «түйін тамырының пайда болуы» -«түтікке шығу», ерте егілген егістерде «төменгі сабақ түйіннің пайда болуы» даму фазалары байқалған. Өсімдіктердің жағдайы көбінесе жақсы және өте жақсы.
Республиканың оңтүстігінде және оңтүстік-шығысында (Жетісу, Алматы, Жамбыл және Түркістан облыстары) күздік бидай бақыланатын учаскелерде «дәннің сүттенуі» - «дәннің уыздануы» даму фазалары байқалады. Күздік бидайдың жағдайы көбінесе жақсы және өте жақсы.
Елдің оңтүстігінде (Түркістан облысы) жылу сүйгіш дақылдардың (соя, мақта) егістіктерінде мақтада көбінесе жапырақтардың өсуі байқалады. Өсімдіктердің жағдайы көбінесе жақсы және өте жақсы.
Жетісу облысында қант қызылшасы егістіктерінде «5-ші нағыз жапырақ» - «бүйірлік өсінділердің пайда болуы» фазалары байқалады. Өсімдіктердің жағдайы өте жақсы.
Оңтүстікте және оңтүстік-шығыста жүгері дақылдарында «9-шы жапырақ» және «19-шы жапырақ» пайда болу кезеңі байқалады. Жағдайы көбінесе жақсы.
Алматы, Жетісу және Қызылорда облыстарында күріш егістіктерінде «түптену» даму фазасы байқалады. Өсімдіктердің жағдайы көбінесе жақсы.
Түркістан облысында мақта егістерінде көбінесе «8-ші нағыз жапырақ» - «түйнектену» фазалары атап өтіледі, өсімдіктердің жағдайы көбінесе өте жақсы және жақсы.
Абай, Шығыс Қазақстан және Павлодар облыстарында күнбағыс дақылдарында «2-ші жапырақ жұбы» - «гүл шоғырлардың пайда болуы» даму фазалары байқалады. Өсімдіктердің жағдайы жақсы және өте жақсы.
Солтүстік Қазақстан облысында майлы зығыр дақылдарында «сабақтың өсуі» даму фазасы байқалады. Өсімдіктердің жағдайы көбінесе жақсы. Ақтөбе, Алматы, Жетісу облыстарында картоптың бақыланатын учаскелерінде «бүйірлік өсінділердің пайда болуы» даму фазасы байқалады.
Оңтүстікте және оңтүстік-шығыста жеміс-жидек (алма, таңқурай, алмұрт, шие) дақылдарында «жемістердің қалыптасуы» - «сабақ өскінінің ұзындығына аяқталуы», таңқурайда «гүлдену» фазалары байқалады.
Мал шаруашылығы аумағының басым бөлігінде жайылымдар әлсіз тапталған, тапталмаған Алматы облысының Еңбекшіқазақ ауданында, Жамбыл облысының Мойынқұм, Талас және Шу аудандарында, Қарағанды облысының Шет ауданындағы жайылымдар және Маңғыстау облысының кейбір жайылымдарында, қатты тапталған Алматы облысының Жамбыл ауданында, Батыс Қазақстан облысының Ақжайық ауданында, қалған жайылымдарда жайылымдардың бірқалыпты тапталуы байқалады.
Жайылымдардағы шымның жағдайы көбінесе құрғақ, Ақтөбе облысының кейбір жайылымдарында шым ылғалды болған.
Көптеген жайылымдық шөптердің өсуі мен дамуы үшін қолайлы агрометеорологиялық жағдайлар орын алған, жайылымдардағы шөптердің жалпы визуалды бағалау бойынша жағдайы көбінесе жақсы, кейбір жайылымдарда қанағаттанарлық, Алматы облысының Жамбыл және Еңбекшіқазақ аудандарында, Қарағанды облысының Шет ауданында, Солтүстік Қазақстан облысының Ақжар және Уәлиханов аудандарында өте жақсы болған.
Елдің негізгі астық егетін аймақтарының көптеген аудандарда жауған жауын-шашын топырақтың жақсы ылғалдылығын сақтап, осыған байланысты топырақтың ылғалды жинау жағдайлары қанағаттанарлық және оңтайлы болған, алайда жекелеген аудандарда топырақтың егістік қабатында ылғалдың төмендеуі байқалды, өйткені бұл аймақтарда жаңбыр біркелкі түспеген.