Тамыз айының бірінші онкүндігінде еліміздің басым бөлігінде ыстық ауа райы сақталды, кей күндері термометр бағандары +32+42°С қа дейін жетті, ал еліміздің солтүстік жартысында онкүндіктің соңында ауа температурасының төмендеуі байқалды.
Кей станцияларда ауа температурасы бойынша ғана емес жауын-шашын мөлшері бойынша да рекордттар болды. 9-шы тамыз күні Балқаш метеорологиялық станциясында (ары қарай - МС) (Қарағанды облысы) ауа температурасы 2002 жылғы рекордтты (+36,6°С) жаңартып, +37,6°С құрады. Мысалы, 8-ші тамыз күні Тобол МС-да (Қостанай облысы) 89 мм жауын-шашын түсуі тіркелді, бір айлық норма 35 мм, Егіндікөл МС-да (Акмола облысы) 50 мм, бір айлық норма 29 мм, Успенка МС-да (Павлодар облысы) 46 мм, бір айлық норма 32 мм. Онкүндік бойы желдің күшеюі 15-25 м/с-қа дейін, найзағай, бұршақ, тұман, ал елдің оңтүстігінде шаңды дауыл байқалды.
Тамыздың екінші жартысында Қазақстанның басым бөлігінде ауаның негізгі фондық температурасы +17+25°С болды, ал оңтүстік жартысында кей күндері температура +25+30°С дейін төмендеді.
Еліміздің бас қаласы Астанада орташа айлық ауа температурасы +18,5°С құрады, норма 19,1°С. Ең жоғарғы ауа температурасы 1-ші тамыз күні +36,3°С-қа жетсе, ең төменгі ауа температурасы 28-ші тамыз күні +9,2°С көрсетті. Ерекше атап өтетін жайт жауын-шашынның аномальды мөлшерінің 113 мм-ге жетуі, бұл көрсеткіш орташа айлық нормадан 364% көп болып табылады, (норма 31 мм). 8-9 тамыз күндері қатты бұршақ жаууы байқалды.
