2024 жылдың 11 қыркүйегі күні Тәжікстанның Душанбе қаласында өткен Тәуелсіз Мемлекеттер Достастығы Гидрометеорология жөніндегі мемлекетаралық кеңесінің (ТМД ГМК) 35-ші сессиясы шеңберінде Қазақстан мен Әзірбайжанның ұлттық гидрометеорологиялық қызметтері (ҰГМҚ) жаңартылған Ынтымақтастық бағдарламасына қол қойды.
Әзірбайжан ҰГМҚ-мен ынтымақтастық бағдарламасы стандартты деректермен алмасу және бірлескен ғылыми-зерттеу жұмыстарын жүргізуден басқа, Каспий теңізінің Гидрометеорология жөніндегі үйлестіру комитетінің желісі бойынша қызметті, сондай-ақ Каспий теңізінің гидрохимиялық ақпаратымен алмасуды қамтиды.
Қазақстандық және Әзірбайжандық тараптар екі елде де шығарылатын ғылыми-техникалық журналдарда әзірбайжандық және қазақстандық мамандардың мақалаларын жариялауды екіжақты тәртіппен келісті. Тараптар негізгі қызметінен басқа гидрометеорология мәселелері бойынша бірлескен семинарлар мен конференцияларға өз мамандарының қатысуын келісті.
