Жарияланды 26.09.2024 Республиканың солтүстік жартысында жаздық дәнді дақылдарда көбінесе «толық пісу» даму кезеңі, кейбір кеш себілген егістерде «дәннің уыздануы» фазасы байқалған.
Республиканың астық себетін аудандарында жаздық дәнді дақылдарды жинау жұмыстары жалғасуда.
Елдің оңтүстігінде (Түркістан облысы) жылу сүйгіш дақылдар (соя, мақта) егістіктерінде мақтада «1-ші қорапшаның пісуі» фазасы жалғасуда, сояда «пісудің екінші кезеңі» байқалады. Өсімдіктердің жағдайы көбінесе жақсы және өте жақсы.
Жетісу облысында онкүндіктің ортасында қант қызылшасы егістіктерінде егін жинауға кіріскен. Алматы, Жамбыл, Жетісу және Түркістан облыстарында жүгері дақылдарында «толық пісу» даму кезеңі байқалады. Өсімдіктердің жағдайы көбінесе жақсы, кейбір егістерде өте жақсы. Алматы облысының Талғар метеостанциясының маңайында егін жинау жұмыстары жүргізілген. Алматы және Қызылорда облыстарында күріш егістіктерінде егін жинауға кіріскен.
Абай, Шығыс Қазақстан, Павлодар және Қостанай облыстарында күнбағыс егістіктерінде «егіндік пісу» фазасы байқалады. Өсімдіктердің жағдайы көбінесе жақсы және кейбір жерлерде өте жақсы. Шығыс Қазақстан облысы Березовка және Үлкен Нарын метеостанцияларының маңайларында егін жинауға кіріскен.
Солтүстік Қазақстан облысының бақылау учаскелерінде майлы зығыр дақылдарында «толық сарыланып пісу» даму фазасы байқалады. Өсімдіктердің жағдайы көбінесе жақсы және қанағаттанарлық.
Алматы, Жетісу, Қарағанды және Солтүстік Қазақстан облыстарында картоп бақыланатын учаскелерде жаппай егін жинау жұмыстары атап өтілген.
Мал шаруашылығы аумағының басым бөлігінде жайылымдар әлсіз тапталған, Жамбыл облысының Мойынқұм және Шу аудандарында, Қарағанды облысының Шет ауданындағы жайылымдар және Маңғыстау облысында кейбір жайылымдар тапталмаған, Алматы облысының Жамбыл ауданында, Батыс Қазақстан облысының Сырым, Казталов, Ақжайық аудандарында жайылымдар қатты тапталған, қалған жайылымдардың бірқалыпты тапталуы байқалған.
Қазіргі уақытта жайылымдарда шымның құрғақ болуы байқалады.
Топырақтың метрлік қабатында ылғалдың жиналуының оңтайлы және қанағаттанарлық жағдайлары дерлік барлық облыстарда орын алған, тек Маңғыстау облысы және топырақтың барлық қабаттарында ылғал жетіспеушілігі орын алған Қостанай, Ақтөбе, Батыс Қазақстан, Жамбыл және Жетісу облыстарының кейбір аудандарын қоспағанда.