Күздің бірінші айында республиканың басым бөлігінде орташа айлық ауа температурасы көпжылдық мәндер шамасында болды, еліміздің шығыс жартысында ауа температурасы нормадан 1-2° төмен, ал еліміздің қиыр батысының кей аудандарында нормадан 1-2° жоғары болды.
Қыркүйектің бірінші жартысында еліміздің батысында ыстық ауа-райы байқалды, термометрлердің бағандары +29+35°С дейін жоғарылады. Осы кезеңде Ақтау метеостанциясында (бұдан әрі-М) максималды температураның бірнеше жаңа рекордтары орнатылды. Мысалы, 1 қыркүйекте ауа температурасы +35,5°С-қа жетіп, 2003 жылғы алдыңғы рекордты жаңартты, 12 қыркүйекте дәл осы метеорологиялық станцияда +34,0°С рекорды қайта орнатылып, 1990 жылғы рекорд жаңартылды. 16 қыркүйекте +31,3°С тіркеліп, 2001 жылғы рекорд жаңартылды (+31,2°С).
Еліміздің қалған бөлігінде суық арктикалық ауа массаларының енуі жиі байқалды. 27 қыркүйекте Қарағанды М-да ауа температурасы -5,7°С-қа дейін төмендеп, 1969 жылғы рекордты жаңартты (-4,1°С).
Қыркүйек айында жауын-шашын еліміздің басым бөлігінде нормадан аз жауды. Еліміздің солтүстік-шығысы мен оңтүстік-шығысында нормадан көп болды, оны растайтын, осы аймақтардың бірқатар метеорологиялық станцияларында рекордтық жауын-шашынның түсуі. Қатты жауын-шашын байқалды: 1 қыркүйекте Қарауыл (Абай облысы) М-да 31 мм, бір айдағы норма 14 мм, 6 қыркүйекте Жолболды (Павлодар облысы) М-да 30 мм, норма 19 мм. 26 қыркүйекте Алматы облысының тауларында жауын-шашын жауып, жылбысқы қарға ұласты, Тұйықсы АМС-да 69 мм түсті, Мыңжылқы М-да 58 мм, Шымбұлақ М-да 52 мм, БАО М-да бір күнде жауын-шашынның айлық нормасы - 47 мм түсті, норма 44 мм.
Ай бойы жел жиі 15-25 м/с-қа дейін күшейіп, 27-28 қырқүйекте Достық М-да жел 31 м/с-қа жетті.
Астана қаласында қыркүйек айында ең төменгі ауа температурасы 27 қыркүйекте -0,1°С, ал ең жоғары температура – 30 қыркүйекте +22,5°С тіркелді.
Ауаның орташа айлық температурасы +11,3°C болды, бұл норма шамасында (норма: +12,6°C). Бір айда жауын-шашын 36 мм түсті, нормасы 21 мм. 4 қыркүйекте жауын-шашынның рекордтық мөлшері 27 мм түсті, бұл норманың 128% құрады.
