Бішкекте 2024 жылдың 4 желтоқсаны күні Шу және Талас өзендерінің су ресурстарын пайдалану жөніндегі Қазақстан және Қырғызстан комиссиясы хатшылығының жанындағы қоршаған ортаны қорғау жұмыс тобының (ҚОҚЖТ) 12-ші отырысы өтті.
Отырысқа ҚР Экология және табиғи ресурстар министрлігінің және «Қазгидромет» РМК мамандарын қоса алғанда, Қазақстан өкілдері, сондай-ақ Қырғыз Республикасы Табиғи ресурстар, экология және техникалық қадағалау министрлігінің қызметкерлері қатысты. Бұдан басқа ЕҚЫҰ-ның Бішкек қаласындағы бағдарламалық кеңсесінің аймақтық даму жөніндегі кеңесшісі Дмитрий Прудцкий де қатысты.
Күн тәртібінде келесі мәселелер талқыланды:
1. Су сапасын мониторингілеу.
2. Гидрометеорологиялық мониторинг.
3. Гидродинамикалық модельдеу.
4. 2025 жылға арналған жұмыс жоспары.
Отырыстың нәтижелері Комиссияның 35-ші отырысында ұсынылатын болады, ал ҚОҚЖТ-ның келесі отырысы Қазақстанда 2025 жылдың төртінші тоқсанында өтеді.
