Жарияланды 22.03.2020 «Қазгидромет» РМК жерді қашықтықтан зондтау (ЖҚЗ) және NASA спутниктерінің өңделген суреттері бойынша Қазақстан аумағының қармен қамту алаңы 2020 жылдың 12-19 наурызы аралығында 51 %-дан 43 %-ға дейін қысқарған.
Апталық синоптикалық болжамға сәйкес, еліміздің басым аумағында күндізгі және түнгі ауа температурасының біртіндеп төмендеуі, сондай-ақ аралас жауын-шашынның түсуі байқалатын болады.
Қазақстанның таулы аймақтары мен жазық өзендердегі су деңгейінің көтерілуі және мұздық құбылыстардың әлсіреуі, әрі қарай қардың еруі күтіледі.
Ағымдағы жылдың 12-19 наурыз аралығында ылғал қорының көлемі:
- Қарағанды облысының өзен бассейндерінде 25-45 %-ға;
- Ақмола облысының өзен бассейндерінде 15-45 %-ға;
-Солтүстік Қазақстан облысының өзен бассейндерінде 15 %-ға;
- Қостанай және Ақтөбе облыстарының өзен бассейндерінде 45-95 %-ға азайған.
Батыс Қазақстан облысының өзен бассейндерінде қар жамылғысы толығымен ерiдi.
ЖҚЗ суреттерінің мәліметтері бойынша 12-19 наурыз аралығында аумақты қармен қамту алаңы:
* Жамбыл облысы 3 %-дан 1 %-ға дейін қысқарған;
* Түркістан облысы 4 %-дан 3 %-ға дейін қысқарған;
* Алматы облысы 25 %-дан 20 %-ға дейін қысқарған;
* Шығыс Қазақстан облысында 94 %-дан 84 %-ға дейін қысқарған.