Жарияланды 13.05.2021 Сәуір айында жылудың екі қарқынды толқыны жаңа температуралық рекордтарға алып келді: екінші онкүндіктің басында Қазақстанның батысында күндізгі ауа температурасы +27+32°С белгісіне жетті. Мысалы, Аққұдық метеостанциясында (Маңғыстау облысы) 10 сәуірде +32,2°С шамасында рекордтық ауа температурасы тіркелді. Тағы бір жылу толқыны сәуір айының соңына, республиканың оңтүстігінде, орталығында және шығысында ауа температурасы +31+38°С-қа дейін көтерілген кезге сәйкес келді. Қызылорда қаласында 28 сәуірде +38,1°С болды, бұл осы күн үшін рекордтық деңгей болды.
Сондай-ақ, сәуір айының жекелеген күндерінде Қазақстанның солтүстігінде, орталығында және шығысында үшінші онкүндіктің басында тіркелген ең төменгі ауа температурасының рекорды жаңартылды. Мысалы, Рузаевка метеостанциясында (Солтүстік Қазақстан облысы) 20 сәуірде ауа температурасы -9,9°С-ты құрады, соның нәтижесінде осы күннің алдыңғы рекорды жаңартылды.
Сонымен қатар, үшінші онкүндіктің бірінші жартысында апатты гидрометеорологиялық құбылыстар байқалды, мысалы, Қазақстанның оңтүстігінде және оңтүстік-шығысында суық антициклонның әсерімен, топырақ бетінде 1-5 градусқа дейін, Алматы облысында 8-15 градусқа дейін қатқақ байқалды (ҮАК метеостанциясында 24 сәуірде топырақтағы температура 15°С-қа дейін төмендеді).
Бір ай ішінде республиканың басым бөлігінде жауын-шашын тапшылығы, алайда жекелеген күндері АГҚ өлшемдеріне жеткен жауын-шашын (Апатты гидрометеорологиялық құбылыс) байқалды, мысалы, 4 сәуірде оңтүстік циклонның ықпалымен Ащысай метеостанциясында (Түркістан облысы) қатты жаңбыр жауды, 8 сағаттан астам уақытта 33,6 мм мөлшерінде жауын-шашын түсті. 21 сәуірде ҮАК ауданында (Алматы облысы) атмосфералық фронттардың әсерінен 20 мм-ге дейін қар жауды.