2026 жылғы сәуір-қазан жылы жартыжылдыққа арналған консультативтік ауа райы болжамы
Консультативтік болжамға сәйкес, республиканың басым бөлігінде сәуір және мамыр айларында ауа райы климаттық нормадан жылы болады деп күтілуде, елдің басым бөлігінде жауын-шашын мөлшері қалыпты болады, сәуірде елдің батысында, оңтүстік, оңтүстік-шығыс және шығыс аймақтардың таулы, тау бөктері аудандарында ауа райы жаңбырлы болады деп болжанады.
Жазғы маусымда Қазақстан аумағының басым бөлігінде ауаның орташа температурасы нормадан 1-2° жоғары, шілдеде республиканың батыс жартысында ыстық ауа райы, Қазақстанның қалған аумағында қолайлы деп болжанады.
Маусым айында республика аумағының басым бөлігінде жаңбыр норма шамасында болады деп болжануда, елдің оңтүстік-батысында, солтүстік-батысында, орталығында және оңтүстігінде аз жауады. Бұл ретте шілде айы басқа жаз айларының аясында жауын-шашынның біркелкі бөлінбеуімен ерекшеленетін болады: елдің батысында жауын-шашын тапшылығы болжанады, солтүстіктің, орталықтың және оңтүстіктің басым бөлігінде норма шамасында, ал республиканың оңтүстік-шығыс жартысында жауын-шашын мөлшері (Жамбыл, Алматы, Жетісу, Абай, Шығыс Қазақстан, Павлодар облыстарында, Қарағанды облысының басым бөлігінде, Түркістан облысының шығысында, Ақмола облысының қиыр оңтүстік-шығысында) нормадан көп болады деп күтілуде.
Тамыз айында елдің басым бөлігінде жауын-шашын аз мөлшерде күтіледі, елдің батысында, солтүстік-шығысында, оңтүстік, оңтүстік-шығыс және шығыс аймақтардың таулы, тау бөктері аудандарында норма шамасында болады деп болжанады.
2026 жылдың күзінде Қазақстан аумағының басым бөлігінде температуралық фон климаттық нормадан жоғары, қыркүйекте - шығыста, қазанда - елдің батысы мен солтүстік-батысында норма шамасында болады деп күтілуде.
Жауын-шашын мөлшері Қазақстан аумағының басым бөлігінде нормадан аз болады деп күтілуде, бұл ретте қыркүйекте – елдің батысында, солтүстігінде, шығысында, оңтүстік-шығысында және оңтүстігінде (Солтүстік Қазақстан, Шығыс Қазақстан облыстарында, Батыс Қазақстан, Қостанай, Ақмола, Павлодар, Абай облыстарының басым бөлігінде, Ақтөбе облысының қиыр солтүстігінде, Түркістан, Жамбыл, Алматы облыстарының оңтүстік жартысында, Жетісу облысының оңтүстік-шығыс жартысында), қазан айында – елдің батысында, солтүстік-батысында, оңтүстік-шығыс бөлігінде (Батыс Қазақстан, Атырау, Маңғыстау облыстарында, Ақтөбе, Алматы, Жетісу,
Шығыс Қазақстан облыстарының басым бөлігінде, Қостанай облысының батысында, Жамбыл және Абай облыстарының оңтүстік-шығысында) норма шамасында болжанады.
