2026 жылғы мамырдағы құрғақшылық болжамы (түпкілікті)
2026 жылғы мамыр айындағы жауын-шашынның стандартталған индексінің (СЖИ) нақты есептеулері бойынша республика аумағының басым бөлігінде атмосфералық ылғалдану жағдайлары көпжылдық мәндерге жуық болады деп күтілуде. Айта кету керек, кейбір пункттерде индекстің теріс немесе оң мәндері құрғақшылық дәрежесін толық көрсетпейді, өйткені СЖИ тек жауын-шашын статистикасына негізделген және құрғақшылықтың қалыптасуына әсер ететін басқа да негізгі факторларды ескермейді. Сонымен қатар, ай бойы фронтальды белсенділіктен туындаған синоптикалық жағдайлардың жоғары құбылмалылығы байқалуы мүмкін, бұл көрсеткіштердің ауытқуына әкелуі ықтимал.
Синоптикалық болжамға сәйкес, мамыр айында республиканың басым бөлігінде жауын-шашын мөлшері норма шамасында болжанады, нормадан аз жауын-шашын Қызылорда, Ұлытау облыстарында, Қарағанды, Түркістан, Жамбыл облыстарының басым бөлігінде, Ақтөбе облысының оңтүстік-шығысында, Қостанай облысының оңтүстігінде, Алматы облысының солтүстік жартысында, Ақмола облысының қиыр оңтүстігінде, Жетісу облысының солтүстік-батысында және Абай облысының қиыр оңтүстік-батысында күтіледі .
Нақты есептеулер бойынша, мамыр айындағы СЖИ мәні еліміздің басым бөлігінде нормаға жуық және кейбір аудандарда бірқалыпты құрғақ болады деп күтілуде :
Ақтөбе облысында ылғалдану жағдайы Шалқар ауданының кейбір жайылымдарында бірқалыпты құрғақ болып күтіледі, қалған аудандарда нормаға жуық.
Жамбыл облысында бірқалыпты құрғақшылық Қордай ауданында күтіледі, облыстың қалған аумағында нормаға жуық.
Солтүстік Қазақстан, Қостанай, Ақмола, Павлодар, Батыс Қазақстан, Атырау, Маңғыстау, Қарағанды, Ұлытау, Шығыс Қазақстан, Абай, Алматы, Қызылорда, Түркістан, Атырау, Маңғыстау облыстарында және Жетісу облысы аймағында ылғалдылық жағдайы нормаға жуық болады деп күтілуде.
