2025 жылдың желтоқсан айының 1-ші онкүндігіне қысқаша агрометеорологиялық шолу.
Алматы, Жамбыл және Түркістан облыстарында күздік дәнді дақылдар бақыланатын учаскелерде орташа ауа температурасы 5°С дейін және оданда төмендеп, күздік бидайдың вегетациясы тоқтаған. Жауын-шашын көбінесе нормадан көп және норма шамасында болған. Қар жамылғысының биіктігі Алматы облысының Ұйғыр ауданында 11 см дейін, Жамбыл облысында 3-6 см дейін, Жуалы, Қордай, Мерке және Т.Рысқұлов аудандарында 11-24 см дейін, Түркістан облысының Төлеби ауданында 22 см дейін байқалған. Оңтүстік-шығыста топырақтың қату терендігі 1-7 см дейін болған, оңтүстікте топырақ қатпаған. Күздік дақылдардың қату тереңдігіндегі топырақтың минималды температурасы минус 5°С дейін төмендеген.
Онкүндіктің соңғы күні жайылымдарда мал барлық жерде жайылған.
Қатқақ шым Ақтөбе облысының Ыргыз, Алға ауданында, Алматы облысының Жамбыл және Балқаш аудандарында, Атырау облысының Қызылқоға ауданында, Жамбыл облысының Талас ауданында, Батыс Қазақстан облысының Жәнібек ауданында, Қарағанды облысының Ақтоғай ауданында, Қостанай облысының Арқалық ауданында және Ұлытау облысының Ұлытау ауданында байқалған, солтүстік-батыстың, оңтүстік-батыстың жеке аудандарда шым дымқыл болған, оңтүстік-шығыста және оңтүстікте шым құрғақ болды.
Онкүндіктің соңында жайылымдар Ақтөбе, Қызылорда облыстары және Ұлытау облыстарының кей жерлерінде әлсіз тапталған, Жамбыл облысының Талас ауданында жайылымдар тапталмаған, Алматы облысының Жамбыл ауданында, Батыс Қазақстан облысының Жәнібек ауданында және Қарағанды облысының Ақтоғай ауданында қатты тапталған, қалған жайылымдардың тапталуы бірқалыпты болған.
